| 比較多字少少,請見諒! 排球裁判 前幾日考的裁判班,我考唔到入頭40名,冇機會做實習,實在有點可惜。 但係唔考都考左,大局已定,我都無需去痛恨自己考得唔好。因為係學球例個陣,我學識左好多新球例,我仲可以應用返係我打排球個陣應用既技術方面,而且我都已經盡左力,係百幾人之中,我已經做到問心無愧,可能有人只係錯一兩題,有人比我更加努力去讀好球例,咁機會當然係留比佢地喇,因為機會,只係留比有準備的人。我冇因為入選唔到而唔開心。 書展 今次係我第一次去書展。我同左軍華,康,健,杰,一齊去。 因為1點後先入場,25蚊一張票,唔洗一分鐘,就比人一撕,張野就冇用._. 行左幾個鐘,又餓又累,最後佢地買左心頭好之後就去左尖咀食野。 健康身心小組Camp 呢一次既camp,同我平時或者以前去個d camp完全唔一樣。 我地一行人去左大埔,再搭的士入黃宜拗村的一間白屋,聽說是已過世的一位人士的別墅。(聽起來有點恐怖吧haha) 成座別墅也特別多小生命,連瞓覺的地方也有較多生命陪著我們睡。其實只是一些小昆蟲,例如比平時見到再大小小身型的螞蟻等等之類既野… 呢個camp呢,佢要你諗好多野,而且仲教識左我地好多野,係camp入面,所有人我都只係見過幾次,我地有十位學員,兩位姑娘,仲有一位帶冒險活動的呀sir。 學員有呀傑,呀權,Tommy,Brian,呀彬(Me),呀石,歐陽,詩詩,鮮魚,Eva, 劉姑娘and羅姑娘, 林sir, 呢個與眾不同的camp,我學到好多與人相處既技巧喇,待人處事,做好自己應要做d咩呀,等等呢d野都學左好多。 而且我係呢個兩日一夜既camp入過得好開心,我未試過去一個咁開心既camp,開開心心咁去,更加開開心心咁返黎。 我地十個人都改變左好多,每個人都變得愈來愈正面,同第一日見面個陣好唔同,依家完左個camp,同樣呢個小組都差唔多去到尾聲,我開始唔捨得大家,完左呢個小組,我仲可以同裹面邊個組員可以繼續見面呢?我愈來愈愛返去呢個小組,唔知完左呢個小組之後,我地出黎玩下,好嗎?嘻嘻^^ |
